(+994 12) 497-26-28
mail@naa.edu.az
Bakı şəh., Mərdəkan pr., 30
Bizi izləyin:
Dil:

Hava və dağ idman növləri klubu

Hava və dağ idman növləri klubu MAA-nın tələbələrini aktiv (ekstremal) idman növlərinə cəlb etmək, onların asudə vaxtlarını səmərəli keçirmələrinə, Azərbaycanın tarixi yerlərinə yaxından bələd olmalarına, səmti müəyyənetmə vərdişlərinə yiyələnmələrinə kömək etmək məqsədilə yaradılmışdır.

Klubun perspektiv planında “xüsusi riskli peşə” seçimi etmiş tələbələrlə yay istehsalat təcrübələrini Azərbaycanın yüksək dağ rayonlarında keçirmək, ekstremal şəraitlərdə sığınacaq tapmaq, tonqal qalamaq, qida məhsullarını əldə etmək, dağ çaylarını, su hövzələrini, aşırımları və zirvələri qət etmək bacarıqlarını öyrətmək nəzərdə tutulur.

Klubun fəaliyyətinin əsas istiqamətləri:

– Hava idman növləri: paraşütlə tullanmalar, paraplan və deltaplanlarla uçuşları təşkil etmək.

– Səmti müəyyənetmə idman növü ilə məşğul olanlar üçün xüsusi qrup yaratmaq, məşqlər keçirmək, respublika və beynəlxalq miqyaslı yarışlarda iştirak etmək.

– Dağ idmanı – Respublikada və xarici ölkələrdə yerləşən yüksək dağ zirvələrinə yürüşlər keçirmək.

– Qayaya və buza dırmanma üzrə respublika və beynəlxalq miqyaslı yarışlarda iştirak etmək.

Klubun əhatə etdiyi idman növləri üzrə respublika və beynəlxalq federasiyalar tərəfindən keçirilən tədbirlərdə iştirak etmək.

Hava və dağ idman növləri klubunun rəhbəri  Azərbaycan Alpinizm Federasiyasının sədri, Aviasiya təhlükəsizliyi kafedrasının baş müəllimi Nizami Mursakulovdur. O, Xüsusi Dövlət Mühafizə Xidmətinin Təlim-tədris Mərkəzinin rəisi vəzifəsində, Respublika Turist-İdman Klubunun direktoru vəzifəsində çalışıb. İdman turizmi üzrə SSRİ idman ustasıdır. Onun rəhbərliyi altında Qızılqaya dağ silsiləsində adsız bir zirvə fəth edilmiş və “Heydər zirvəsi” adı verilmişdir. Hər il Ulu Öndərin doğum günü ərəfəsində həmin zirvəyə Beynəlxalq yürüşün keçirilməsini təşkil edir.

Əlaqə tel.: (+994 12) 497 26 00 (30-18), mob: (+994 50) 327 85 61